ელენე მაჭარაშვილი #GenZ - ღვინის სიყვარული
მე ვარ ელენე მაჭარაშვილი, პროფესიით აგრონომი და სომელიე. ჩემი ღვინის სიყვარული ალბათ იმან განაპირობა, რომ ქართველი ვარ. ბავშვობიდან ოცნებად მქონდა რთველში მიმეღო მონაწილეობა.
როგორ და რატომ მოვხვდი იქ სადაც ვარ:
სტუდენტობისას ღვინის ბარში დავიწყე მუშაობა, სადაც ბევრ საინტერესო ღვინოს გავეცანი, პარალელურად დეგუსტაციის კურსებს გავდიოდი. მომდევნო ერთი წელი თელავში ვიცხოვრე, სადაც ვაზისუბნის მამულში სომელიეს პოზიციას ვიკავებდი, ვფიქრობ ერთ-ერთი საინტერესო წელი იყო. ახლა ირმა ჭანტურიას სახელობის ღვინის ლაბორატორიაში ვმუშაობ.
ჩემი მიზანია:
ჩემი სურვილია უკეთესად გავეცნო მსოფლიო მეღვინეობებს და მეტი ცოდნა დავაგროვო.
რჩევები მათ ვინც ახლა ირჩევს ამ პროფესიას:
ის პროფესია აირჩიონ, რაც გულით უნდათ და არ იფიქრონ, რომ რამე არ გამოუვათ.
