თაობა gen z

ჩემი მიზანია შევიძინო მრავალფეროვანი გამოცდილება, რაც დამეხმარება საქართველოში შევქმნა რაიმე გასნხვავებული და საინტერესო.

მეღვინეობა არის ძალიან შრომატევადი, მაგრამ ამავდროულად ძალიან შემოქმედებითი აქტივობა, გაძლევს ბევრი ექსპერიმენტის ჩატარების თავისუფლებას, რაც ჩემთვის განსაკუთრებით საინტერესოა.

მოტივაციას საქმისადმი სიყვარული მაძლევს. ვფიქრობ, ღვინის საბოლოო მიზანი ადამიანებისათვის სიამოვნების მინიჭებაა.

ჩემი მიზანი ახალი ცოდნისა თუ გამოცდილების შეძენაა. სურვილი მაქვს საქართველოში, მეღვინეობის სექტორის განვითარების პროცესში მივიღო მონაწილეობა.

იქ სადაც ვარ, ღვინის სიყვარულმა მომიყვანა. ბავშვობიდან ჩემი მისაბაძი პიროვნება იყო პაპა, ვხედავდი თუ როგორი დიდი სიყვარულით და სითბოთი ექცეოდა ყურძენს, ღვინოს.

ჩემი მიზანი დღეს არის, რომ რაც შეიძლება მეტი გამოცდილება დავაგროვო და უფრო კარგად მოვემზადო მომავალი გამოწვევებისთვის.

ღვინოსთან და ვენახთან მუშაობა ჩემთვის ყოველთვის დაკავშირებულია ბედნიერებასთან. სასიამოვნოა ისეთ გარემოში მუშაობა, სადაც თავს კომფორტულად გრძნობ.

მეღვინეობა ისეთი სფეროა სადაც რაღაც ახლის აღმოჩენა შეგიძლია სულ, ყოველი მომდევნო რთველი განსხვავებულია, ეს საქმე მოსაბეზრებელი ვერასდროს ვერ გახდება.

ჩემი მიზანია, რაც შეიძლება შორს გავიტანო ქვეყნის გარეთ ქართული ღვინისა და ვინი ამარეს სახელი, რომელიც მომხმარებლისთვის იქნება მაღალი ხარისხის გარანტი.

ვფიქრობ, მომავალში გასათვალისწინებელი იქნება ევროპელი და ამერიკელი მყიდველის გემოვნება და ღვინის დაყენებაში ცვლილებების შეტანა. თუნდაც ჭაჭაზე ღვინის ნაკლები ხნით მაცერაცია.

ჩემი დაკვირვებით პროფესიის არჩევას ძალიან რთულად აღვიქვამთ, თითქოს ცხოვრების გზაგასაყარზე ვართ და ან გამოვა ან არა

ჩემი აზრით ქართულ მეღვინეობას მრავალფეროვნება და ახალი ხედვა აკლია, რაც გვაქვს კარგია და მისასალმებელი თუმცა სიახლეები აუცილებელია, რა თქმა უნდა თუ გვსურს საერთაშორისო ბაზარზე თავის დამკვიდრება.